NAGPANIKAD nang moaway og balik si Filipino ring legend Manny “Pac-Man” Pacquiao ug iyang gigamit ang iyang personal Twitter account aron pangutan-on ang iyang mga sumosunod kon kinsa ang iyang kontrahon alang sa sunod niyang tahas.
“I miss my fans. I miss training camp. Can’t wait to be back soon. What fight do you want to see next? #TeamPacquiao,” tweet ni Pacquiao.
Ang 40 anyos nga fighting senator daghan og mga gipangbuhat sa uban niyang mga obligasyon apan kanunay kining naghunahuna sa boksing.
Si Pacquiao maoy naggunit sa World Boxing Association (WBA) welterweight title.
Posible niyang ikaharong alang sa unification bout mao sila si International Boxing Federation (IBF) welterweight king American Errol “The Truth” Spence Jr. ug World Boxing Council (WBC) welterweight champion “Showtime” Shawn Porter.
Kanunay sab nahisgutan ang rematch nila ni Pacquiao ug Floyd Mayweather Jr. (ESL)