MAGPARES ba og balik sa pelikula silang John Lloyd Cruz ug Bea Alonzo? Daghan ang nangutana, excited ug malipayon sa dihang nabalita kini.
Dili ikapanghimakak nga daghan gyud og followers ang ilang tandem.
Wa man siguroy problema mao nga karon pa lang daghan na ang naghinam-hinam.
Nindot sab kini nga comeback movie ni John Lloyd. Nindot sab kini para kang Bea samtang wala pa masugdi ang iyang teleserye kauban si Ian Veneracion.
Gusto usab sa fans nga masundan na ang sugilanon ni Popoy ug Basha gikan sa “One More Chance” ug “Second Chance.”
Gani usa ko sa daghang mga naghulat sa ilang pelikula kon naa man gani, “Last Chance” kaha ang taytul sama sa gi-post ni Bea sa iyang Instagram? Ay’g saba!
Unsa ka tinuod nga katapusang teleserye na ni Angel Locsin ang “The General’s Daughter?”
Mag-minyo na ba kaha ang Angel? Naa pa gyuy mitumaw nga basin mabdos na?
Sa akong tan-aw mopahulay lang una ang dalaga, kay di gyud mahimong balibaran ang showbiz kon naa na kini sa imong dugo. Ay’g saba!
Maine Mendoza malipayon kaayo sa iyang proyekto nga “Isa pa with Feelings” sa Blacksheep nga usa sa ABS-CBN film group.
Sa atong nahibawan usa diay kini siya sa mi-auditioned sa Pinoy Big Brother niadto, apan wala siya naswertihan nga mahimong housemate.
Ang iyang swerti sa GMA gyud kay nahimo siyang sikat kaayo sa dihang nag-viral ang dubsmash video ug naghatag niya ug kahigayunan nga mag-host sa “Eat Bulaga” ug sa kalyeserye diin nisikat ang “Aldub” nilang Alden Richards.
May mga balhibuon og dila ang nangutana kon malupig ba kaha ni Maine ang kita sa pelikulang “Hello Love Goodbye” ni Alden ug Kathryn Bernardo? Ay’g saba!