NAKA-full alert status ang kabomberuhan sa Dakbayan sa Talisay sugod niadtong Biyernes, Oktubre 4.
Pasabot niini, way si bisan usa sa mga sakop sa Talisay City Fire Station ang tugutan nga maka-leave aron anaa ang tanan kon adunay emergency.
Hangtod na kini sa Oktubre 15, kapistahan sa dakbayan sa Talisay pahinungod sa patron, Sta. Teresa de Avila.
Gisugdan na sa Sabado, Oktubre 5, ang nagkadaiya nga mga kalihukan atol sa opening salvo.
Matud ni Fire Senior Insp. Arra Alajaro, city fire marshal, nga gipahimutang nila sa mga strategic area ang upat nila ka mga fire truck. Nipahimangno usab si Alapajaro nga gidili ang pagpahigayon og fireworks display sa lugar nga nagsikit-sikit ang mga balay, kundi diha lang sa mga open space.
Gikinahanglan usab nga adunay pakig-alayon sa kabomberuhan. Ania pay ubang mga pahimangno sa BFP.
Alang sa mga managkutay pahinungod sa kapistahan diha sa simbahan gipahimangnuan nga di sa sud sa simbahan magdagkot. Kundi diha lang sa candle area, sa gawas sa simbahan. (FMD)