ANG labing una nga Samahang Basketbol ng Pilipinas (SBP) Collegiate Sponsors League (CSL) magukas sa Oktubre 13 sa Almendras Gym Davao City Recreation Center (DCRC).
Si SBP-Davao Region operations head Ronel Leuterio, atol sa Davao Sportswriters Association (DSA) Forum sa The Annex sa SM City Davao Huwebes, Oktubre 3, nagsulti nga ang Ateneo de Davao University (Addu) Blue Knights, Jose Maria College (JMC) Kings, University of Mindanao (UM) Wildcats, Holy Child College of Davao (HCCD) Reds and Holy Cross of Davao College (HCDC) Crusaders, pipila lamang sa 18 ka teams nga mopakita og aksyon sa liga.
May teams sab gikan gawas sa Davao Region nga miapil.
"There will be nine schools in each bracket and the top four teams will play in the quarterfinals where winners will advance to the semifinals then to the finals," niya pa.
Niya pa, ang top teams dunay adbentahe sa home-and-away quarter finals.
Gidasig sab niini ang participating teams nga mobitbit og kaugalingong supporters gikan sa tagsa-tagsa nila ka tunghaan alang sa opening ceremonies nga giplanuhan sab nilang i-live.
Matud ni Leuterio, "This is the qualifying for the Philippine Collegiate Champions League (PCCL) Mindanao, the champion of which will play in Manila for the national finals."
Ang kompetisyon, sumala niya sa naunang pakighinabi, maghatag og dakong oportunidad nga ma-revive ang collegiate basketball ug masustiner ang team pinaagi sa isponsors nga makahatag kanila sa allowance ug uniporme sa mga magduduwa ug coach.