GIBALHOG sa Laak Municipal Police Station ang usa ka ulitawo nga adunay kasong murder human nadakpan sa Purok 5, Barangay Datu Ampunan, alas 9:00 sa buntag, Huwebes, Oktubre 3, 2019.
Ang suspek giila nga mao si Garry Ali Andibor, 36, mag-uuma ug molupyo sa nahisgutang dapit.
Subay sa report, nasayran nga ang suspek nasikop sa mga sakop sa Laak Municipal Police Station atol sa gilusad nga manhunt operation sa maong dapit.
Ang pagdakop kang Andibor subay sa warrant of arrest nga giisyu ni Executive Judge Hilarion P. Clapiz sa 11th Judicial Region, Branch 3, Nabunturan, Compotela Valley sa kasong murder nga may criminal case number 7166, petsa Hulyo 1, 2010.
Walay girekomendang piyansa ang korte sa kaso sa suspek.