KON basehan ang Instagram posts sa kanhi gi-koronahan nga Miss Eco Teen Philippines nga si Vanessa Mae Walters ingon sa aduna kiniy pagmahay human siya langkati sa korona o titulo sa organizer sa Miss World Philippines (MWP) niadtong Oktubre 4, 2019.
Human nga nipagawas og official statement ang MWP Organization ang maong kandidata adunay gi-post nga hulagway sa usa ka yellow luxury car nga nagusbat human kini nakasugat og vehicle accident.
Atol sa grand coronation night si Walters nagsul-ob og yellow long gown.
Laing post nga screenshot sa report nga siya gi-dethrone nga iyang gibutangan og caption: “Birthday cake #BlessedItMaybe”.
Sa IG story ni Walters iyang gipost sab ang screenshot sa iyang tubag sa atol sa Q & A sa pangutana: “What important life lesson did you learn the hard way?”
Samtang iyang tubag: “I think the hardest lesson I’ve learned in my life is being true to myself and learning to be less authentic than I ever thought I should and I would ever be.
“I think that the more valuable and sensitive I have come into being in this society has been the hardest lesson I have learned in today’s generation.”
Nasayran nga sigun sa official statement ng MWP Organization ang rason nga gibawian sa korona si Vanessa tungod sa tulo ka violation: misrepresentation of her credentials, unprofessional behavior, ug indecency.
Sa hisgutanan sa unprofessional behavior giingong wa motambong ang maong kandidata sa mga function aron unta ipromote ang iyang title.
Ang pasangil nga mi-walk out kini sa meeting nila ni Arnold Vegafria, pangulo sa MWP ug nagdumili sa pagpirma og kontrata.
Kabahin sa isyu sa indeceny adunay mikatap nga hubo nga hulagway ni Walters diha sa social media, taho sa PEP.ph.
Nasayran nga ang Ms. Eco Teen Phils. usa sa unom nga major crowns atol sa pagpahigayon sa Ms. World Philippines 2019 niadtong Septiyembre 14, 2019.
Karon lang tuiga nga adunay bag-ong gidugang nga titulo ang Ms. Eco Teen apan gisugat kini og kontrobersiya human midaog si Walters.
Si Vanessa gihulipan na ni Mary Daena Zaide Resurreccion. (B)