SUPERBALITA DAVAO

Tarab ug Murasaid nag-rido sa Maguindanao

SOUTH UPI, Maguindanao - Gatusan ka pamilya ang mihikling sa panag-engkwentro sa magkaaway nga pundok nga nagsugod adlaw nga Sabado, Oktubre 5, sa probinsiya sa Maguindanao.

Miulbo ang pinusilay sa pamilya Tarab ug Murasaid sa Barangay Kuya, South Upi, Maguindanao nga pulos armado sa mga tag-as nga matang sa armas.

Ang duha ka grupo mga sakop sa duha ka inilang Moro fronts apan dunay personal nga bangi sa ilang matag pamilya.

Sa kahadlok nga maipit sa kagubot nanghikling ang mga sibilyan paingon sa mga luwas nga dapit sa South Upi.

Dugay na nga nagresolba ang away o rido sa pamilya Tarab ug Murasaid apan subling nasugnuran sa panag-ilog sa yuta nga ilang giugmad.

Hangtud karon naglisud ang mga lokal opisyal ug mga Muslim elders sa pakighinabi sa malinawon nga negosasyon sa duha ka pamilya gumikan dunay katag-katag pa nga pinusilay sa dapit.

Naapektuhan na ang adlaw-adlaw nga panginabuhian sa mga molupyo sa Barangay Kuya gumikan nahadlok na nga mobalik sa ilang uma ang mga sibilyan.

Hinuon dunay mga tawo na nga gitahasan si Maguindanao Governor Bai Mariam Sangki Mangudadatu nga makig-estorya sa magkaaway nga pundok.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph