TULO ang kumpirmadong patay sa Oplan Pagtugis nga gilusad sa hiniusang pwersa sa kapolisan nga gipahigayon niadtong Huwebes sa gabii, Oktubre 3, sa Block 12 Lot 25, Portico II Grand Europa, Barangay Lumbia, ning siyudad sa Cagayan De Oro.
Kini usa ka joint operation sa Criminal Investigation and Detection Group (CIDG)-Northern Mindanao, Laguna police, Special Action Force, Philippine Army, ug Cagayan de Oro City Police Office (Cocpo)
Gisilbi sa mga operatiba ang warrant of arrest sa kasong direct assault batok kang Marvin Fajardo y Lumbres, minyo, taga Batangas apan kasamtangan nagpuyo sa Grand Europa.
Apan pagsulod sa mga operatiba sa puloy-anan niini giingong misukol ang mga kauban niini nga duha ka mga lalaki giilang sila si Adrian ug Andrew Redondo hinungdan sa pinusilay.
Lakip sa napatay si Fajardo.
Sa report giingong si Fajardo lider sa Fajardo Criminal Group nga giingong nalambigit sa gun for hire, ginadili nga druga ug pagpanulis nga nag-operate sa Batangas.
Gawas niini naila kini isip Directoriate for Intelligence Listed isip Fajardo Criminal Group sa PRO 4 ug high value target (HVT).
Gibutyag ni Police Brigadier General Rafael P. Santiago Jr., ang regional director sa PRO Northern Mindanao, nga walay luna ang mga wanted sa kriminalidad dinhi sa Rehiyon 10.
“PRO 10 has no room for criminals who want to elude the arms of the law and we will make it sure to the best that we can that they can’t disturb the better peace and order of the region,” matud ni Santiago.
Anaa na sa Bollozos funeral parlor ang duha ka mga patayng lawas apan sa uwahi wala pay pamilya nag-claim niini.