KARONG adlawa Lunes, Oktubre 7, mahidangat sa lalawigan sa Misamis Oriental ang 14 ka mga kandidata sa Miss Earth 2019.
Gilangkoban sa mga kandidata gikan sa Austria, Italy, Croatia, Malta, Puerto Rico, Brazil, Paraguay, Kenya, Reunion Island, China, Tonga, India, Liberia ug Vietnam.
Nangandam ang kagamhanan sa probinsya sa ilang pagdangat kon asa motambong kini sila sa flag raising ceremony ug magpahigayon og press conference.
Karon sa hapon aduna silay mini fashion show sa Ayala Centrio Mall.
Adlawng Martes magpahigayon og mangrove tree planting ang mga bisita sa Laguindingan Aquamarine Park ug lakip sa bisitahon ang Initao Libertad Seascape.
"In the past two years, we played host to a number of Miss Philippines Earth visiting delegates as part of Gov. Bambi Emano's agenda of promoting tourism in Misamis Oriental. This year, we are excited to welcome fourteen (14) international delegates of Miss Earth 2019 and let them experience the beauty of our province," pahayag ni Atty. Jeffrey Saclot, ang provincial tourism head.