DAKPAN sa follow-up operation sa kapolisan ang suspek nga gitumbok nagpatay sa usa ka babaye nga gitsek-in sa Homewood Pension House sa Barangay Barra, lungsod sa Opol, Misamis Oriental.
Si Police Major Evary Bacunawa, hepe sa Opol Police Station, niila sa suspek nga si John Michael Alfeche, 25-anyos ug residente sa Barangay Luyong Bonbon, susamang siyudad.
Ang suspetsado namahayag nga pagsulod nila sa room 46 maayo pa ang ilang sabot sa biktima nga si Samirah Pangkatan taga Laguindingan, Misamis Oriental nga P1,500 ang bayad bugti sa panagtagay sa lawasnong kalipay.
Apan aminado ang suspetsado nga nagsugod iyang kaulit dihang nag-demand si Samirah og P5,000 kung mousab pa.
Tungod niini iyang gigapos ang biktima ug gitabunan ang nawong og unlan.
"Sigurado ko nga buhi pa siya pagbiya nako ug akoa lang man ato nga dili ko niya masundan pag gawas," matud ni Alfeche.
Sa laing bahin aminado ang bana ni Samirah nga nasayod siya sa trabaho sa iyang asawa ug niadtong tungora nanginahanglan kini og kwarta nga ibayad sa utang.
Kahindumduman maoy nabuksan sa mga room attendant niadtong adlawng Huwebes si Samirah nga wala nay kinabuhi dihang ilang giabri ang lawak kay nilapas na sa oras.