SUKWAHI sa unang gikataho nga 11 ka mga tinun-an sa Manguiao National High School sa lungsod sa Asturias ang nahilo sa ilang pagkaon atol sa Girl Scout camping niadtong Biyernes sa gabii, Oktubre 4, apan ang mga bata igo lang naglain ang ilang tiyan ug tungod sa usab sa kabugnaw sa panahon.
Si PSsgt.Bendie Nuñez sa Asturias Police nga nahinabi sa Superbalita Cebu nibutyag nga nahitabo ang pagka diskobre nga giingong nangalanag ang mga tinun-an sa maong tunghaan niadtong Biyernes ug pagkabuntag, gidala kini sa ospital.
Apan si Department of Education (DepEd) Province District Supervisor Gary Napoles ug school principal nga si Maria Corazon Real ningpasabot nga wala nahilo ang mga bata.
"It's not food poisoning. Aside from the fried rice, the girls were eating a lot of other food like ice cream and balut outside of the school," matod ni Napoles sa SunStar Cebu.
"We, together with the teachers, waited for the laboratory results. It was not food poisoning. One was having her menstruation so she was having cramps, the other had a history of hyper acidity and the one was diagnosed with acute gastritis," matod ni Napoles.
"The girls were given medicines for their stomachache and they were immediately relieved," dason niya.
Gipasabot niya nga kon nangilo kini, sulod sa 30 minutos ngadto sa duha ka oras, masuka kini ug makasinti og severe diarrhea ug vomiting.
Ang camping gihimo sa Girls Scout of the Philippines matag tuig ug tinuig nga kalihukan sa Girls Scouting sa naasoy nga tunghaan.
Ang mga biktima pulos mga babaye nga naa sa grade 8 hangtud na sa grade 12.
Ang kalihokan nagpadayon human nasuta nga luwas na ang mga bata apan ubos sa makita nga pagbantay labina sa ilang pagkaon.
Ang tagdumala sa tunghaan nakurat unang nigawas nga tawo nga nangahilo ang mga bata. (BBT, JOB)