MGA non-office supplies sama sa mga bag-ong furnitures ug disinfectant nga gilista sa matag departamento sa proposed 2020 budget, wa tuguti sa gobernador sa probinsya sa Sugbo nga malakip sa budget sa Kapitolyo.
Wala na gitugutan sa gobernador sa probinsya sa Sugbo, Gwendolyn 'Gwen' Garcia, nga makalusot ang mga butang nga giapil og lista sa depaetment heads sa Kapitolyo ug giingong wa gikinahanglana sa matag opisina.
Atol sa gihimong budget call niadtong Oktubre 2, 2019 , matod ni Garcia nga may mga “non-office” items nga gilakip sa matag departamento sa proposed 2020 budget.
Kini sama nalang sa mga bag-ong laptops, furnitures, air fresheners, ug disinfectant.
“Duna tay gipanangtang nga mga items nga mga catch all ba, mga other mentainance inig tan-aw nimo sa lista kay para ipalit ug alcohol, ipalit ug disinfectant spray, air freshener”, matod ni Garcia.
Matod ni Garcia nga daw gihimo na sa matag departamento nga kaugalingong panimay ang matag opisina.
Matod pa niya nawagtang na ang tinuod nga rason sa pagpanrabaho sa kapitolyo.
“It has reached a point nga nawala na ang sense of responsibility ba nga we are here working as public servants we are not masters here nga kinahanglan ta budgetan with people’s money sa atong own comfort,” saysay ni Gwen.
Tulo na ka mga budget calls ang gipahigayon ni Garcia sa mga departamento sa kapitolyo nga gisugdan niadtong Septiyembre 7, gisundan niadtong Septiyembre 21 ug Oktubre 2 ning tuiga.
Ang 2020 budget proposal sa kapitolyo gikinahanglan nga isumiter na sa Sangguniang Panlalawigan karong Oktubre 14. (ANV)