SUPERBALITA CEBU

2 gipusil-patay sa Talisay

DUHA ka mga lalaki ang gipamusil-patay atol sa opening salvo sa mga kalihokan alang sa kapistahan sa dakbayan sa Talisay niadtong Sabado, Oktubre 5.

Patay dihadiha ang sakop usa ka sa fraternity nga Akrho human gipusil sa nag inusarang mamumuno sa peryahan nga atbang sa Talisay City Hall sa Barangay Lawaan 2, Talisay, alas 11:40 sa gabii, niadtong Sabado.

Giila ang biktima nga si Michael Responso, 25, taga sitio Rainbow Ville, Barangay Biasong, Talisay.

Sa inisyal nga pakisusi sa kapulisan, ang biktima uban ang iyang uyab ug manghud ang nagkasabot nga manulod sa peryahan.

Pipila ka minuto, nakadesisyom sila nga mogawas. Apan sa dayon nang paggawas na, giingon usa ka lalaki ang niduol ug kaalit nga namusil sa biktima.

Adunay mga nakasaksi, kinsa niila sa mamumuno sa pangalan lang nga usa ka 'Lloyd'', taga Mananga 2, Barangay Tabunok.

Daling nakasibat ang mamumuno sakay ang motorskilo.

Ang biktima nga naigo sa may ilukan ug nilapos sa sud nga bahin, daling gidala sa Talisay District Hospital, apan gideklarar kini nga dead-on-arrival.

Kasong murder ang giandam sa kapulisan batok sa usa ka 'Lloyd 'ug padayon pa nila nga gisusi ang motibo sa pagpatay kang Responso.

Atol usab sa pagresponde sa mga pulis sa maong pagpamusil, nabantayan nila ang usa sa mga lalaki nga nagdala og icepick.

Ang gisikop giila nga si Marck Darril Canales, 22, taga sitio Tambis, Barangay Pooc, Talisay.

Matud ni Police Captain Nazarino Emia, deputy chief sa Talisay City Police Station nga ila pang gisuta kon may kalambigitan ba ang nahitabo nga pagpusil kang Responso, o kauban ba sa usa ka Lloyd si Canales.

Nahitabo kini atol pa sa pagsugod sa mga cultural nga kalihukan diha sa Talisay City Hall grounds, alang na usab sa kapistahan ni Sta. Teresa de Avila.

Samtang sa ala una sa susama nga adlaw, laing lalaki ang gipusil sa mata niini, hinungdan sa iyang hinanaling kamatayon.

Ang biktima nailhan.sa ngan nga Juneric Elladora, 22. kinsa gipusil sa wala pa mailhi nga mamumuno, diha sa usa ka payag sa Barangay Jaclupan, Talisay.

Sa inisyal nga imbistigasyon sa Talisay police nasuta nga bag-o lang nakabalik sa ilang lugar ang biktima human kini nibiya su’d sa tulo ka buwan.

Ang biktima ug kapuyo niini ang nipuyo sa siyudad sa Toledo su’d sa tulo ka bulan, samtang sila nanarbaho sa usa ka peryahan.

Ug niadtong Oktubre 1 lang kini nabalik sa ilang lugar ug diha kini ni-star sa payag nga tambayanan kaniadto sa iyang mga barkada.

Apan mao na lang gikatingad-an sa mga silingan human nakadungog og usa ka buto, sa ilang pagsusi, mao na lang ilang nakita ang biktima nagkadugo na sa nawong’ niini.

Gideklarar kini nga dead-on -the-spot.

Usa ka deformed slug ang na-recover sa kapulisan.

Padayon pa nga gisuta kun kinsa ang responsable sa kremin ug unsay sa biktima ug unsay motibo sa pagpatay.

Gisusi sa kapulisan ang duha ka mga kaso. (FMD, BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph