GISUGAT si All-Star guard Kemba Walker og kulbahinam nga kadaugan sa iyang labing unang pagduwa sa Boston Celtics batok sa Charlotte Hornets, 107-106, sa pre-season game sa NBA kagahapon.
Si Walker, kinsa gikuha sa Celtics aron ihulip sa mibiya nga laing All-Star guard nga si Kyrie Irving, miabot og 12 puntos alang sa kadaugan. Si Jayson Tatum maoy nangulo sa Celtics pinaagi sa iyang 20 puntos.
Sa laing duwa, nagpakita dayon sa iyang potensyal ang No.2 rookie pick karong tuiga nga si Ja Morant sa dakong kadaugan sa Mempis Grizzlies batok sa Maccabi Haifa, 123-88. Si Morant nipakatap og 10 puntos ug pito ka assists sulod lang sa 18.5 ka mga minutos nga pagduwa. (AP, ESL)