SUPERBALITA CEBU

Tropang Ballers League, Oct. 13 pormal sugdan

MOABOT ngadto sa 14 ka mga teams ang kompirmadong mosalmot sa Tropang Ballers League: Season 7 nga mosugod karong Oktobre 13 sa alas singko ang takna sa hapon diha sa Cebu City Sports Institute Gymnasium sa Sawang Calero, dakbayan sa Sugbo.

Atol sa pressconference niadtong Sabado, ang mga nagpasiugda nga sila si Harrison Go ug Raul La Rosa uban sa ilang konsultant nga si Bertoni Salazar mibutyag nga ang mga teams gibahin ngadto sa duha ka brackets diin mosunod ang matag matag grupo sa single round robin format.

Ang top four sa matag bracket maoy moabante sa crossover quarterfinals round aron pagdeterminar sa upat ka semifinalists.

Ang mga teams nga kompirmadong mangapil mao ang Goaldiggers, San Remigio Properties, Lauron Refrigeration and Airconditioning, Thurblazers Ball Club, Sto Domingo Associates, A & R Freelancing Company, Penthel, Meztizo.

Anaa usab ang Gonzales Goldsmith, MJE, Marshmallows, Dimsum Factory Cebu, Ombra Design + Build, ug Yoyi’s Pastries and Desserts

Ang parada sa mga teams maoy mosikad aron sa pag-abli sa kompetisyon uban sa ilang tagsatagsa ka mga muses.

Ang duwa ipahigayon matag Sabado ug Dominggo ug gibanabanang motapos sa bulan sa Disyembre. Si konsehal Dondon Hontiveros maoy pinasidunggang dinapit sa dua kapil ka buwan nga panatigi.

Gawas sa tropeyo, ang kampiyon adunay ganting P20,000, runner-up P15,000, 2nd runner-up P10,000. Makadawat usab og ganting salapi ug mga goods ang malakip sa mythical five ug ang mapiling MVP. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph