Yawe sa kapildihan ni Pacman

GIPABUHAGAY sa trainer ni Ghanaian Joshua Clottey nga si Lenny De Jesus nga anaa kaniya ang yawe sa kapildihan ni pound-for-pound champion Manny Pacquiao.

Mao kini ang gipabuhagay ni de Jesus sa interbyu sa www.fighthype.com kabahin sa away nila ni Pacquiao ug Clottey karong Dominggo sa Dallas Cowboys Stadium.

Dili sab gyud angayang ibalewala ang pamahayag ni de Jesus kay nasuweto na sab gyud siya sa abilidad ni Pacquiao kay nahimo man siyang cutman sa Pinoy boxing superstar gikan niadtong 2003 hangtod 2005.

“I got the key to beating Manny Pacquiao, I don’t need to watch any tapes,” matod ni De Jesus.

Gipasabot ni De Jesus nga memoryado na kaayo niya ang mga lihok ni Pacquiao ug iya nang nahan-ay ang taktika nga makapilde sa seven-time world champion.

“I already have Manny in my mind, how he fights. Freddie Roach, maybe, put a little knowledge and stuff like that, a little techniques, but he’s the same guy that I saw 5 years ago,” dugang ni De Jesus.

Sa laing bahin, si Pacquiao, kinsa modepensa sa iyang World Boxing Organization (WBO) welterweight title, naa sa minus 800 sa pustahanay samtang si Clottey naa sa plus 550.

Nagpasabot kini nga ang $800 nga pusta kang Pacquiao modaog lang og $100 samtang ang $100 nga pusta kang Clottey modaog og $550.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph