Inahan naghikog tungod sa utang?

PROBLEMA sa utang ang gituohang hinungdan pagpakamatay sa usa ka inahan mga alas 11:30 sa buntag, Lunes, Oktubre 7, sa Relocation habitat, Barangay Pagatpat, siyudad sa Cagayan de Oro.

Giila sa kapulisan ang maong babaye nga si Sheila Palad, 40, minyo, ug residente sa maong dapit.

Sa impormasiyon gikabutyag, namatikdan sa anak nga menor de edad nga naghikot na sa iyang liog ang inahan ginamit ang yellow nga pisi nga giingong gihikot sa duyan.

Gikabutyag sa anak nga sa wala pa nahitabo ang maong pagpakamatay, nagkalalis pa ang iyang mga ginikanan kalabot na sa ilang mga utang.

Subay usab sa kaila niini nga nakahisgot kini sa iyang mga problema kalabot na sa ilang mga balayrunon, ug gani nakahulam pa kini kaniya og kwarta aron pambayad og kuryente.

Gidugang pa nga nakahisgot pa kini kung unsaon niini pag-atubang sa iyang mga problema.

Sa pagsulat niini nga balita, ang maong patay nga lawas ang gi-atiman na sa nahabiling pamilya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph