GIKAWATAN ug gisibatan sa ka check-in ang usa ka lalaki dala ang kwarta niini niadtong nilabay nga adlaw, Dominggo, Oktubre 6, sa Capistrano Street, siyudad sa Cagayan de Oro.
Nireklamo si Greg, 27, ulitawo, taga Calaanan, siyudad sa Cagayan de Oro, batok sa usa ka Cheryl, 32, minyo, human nadala ang iyang P800.
Subay ni Greg, nagkasabot sila nga mosulod sa lodging house. Apan, nakamata nalang kini nga wala na ang babaye ug wala na sab ang iyang kwarta nga naa sa iyang bulsa.
Gikabutyag nga nasutang nigawas si Cheryl mga alas 2:00 sa kaadlawon human sa duha ka oras gikan sa ilang pagsulod.
Ang maong insidente ang nakatala na sa buhatan sa kapulisan alang sa tukmang aksiyon.