Basil: Kabtangan ni Amalia kinsa ang makapanghimus?

MANILA--Gilubong na kagahapon ang beteranang aktres nga si Amalia Fuentes (August 27, 1940-Oct. 5, 2019) ug usa sa di malimtang eksena sa dihang gibilar pa siya sa Mt. Carmel mao ang pag-abot ni Annabelle Rama.

Mahinumduman nga nagkasumpaki si Amalia ug si Annabelle sa bilar sa foreigner nga bana ni Amalia nga si Joey Stevens a few years back tungod kay imbes nga puti or itom, kolor pula ang gisul-ob ni Annabelle. But prior to this may gagmayng sumpaki na sila.

Anyway, ganun naman talaga, bisan og mortal pa nimong kaaway ang usa ka tawo pero kapag namatay na kini, kwits na tanan.

Ang pangutana karon, kang kinsa mapunta ang mga kabtangan nga naiwan ni Amalia once dubbed as the Elizabeth Taylor of the Philippines?

Patay na ang nag-inusarang anak ni Amalia nga si Liezl Martinez nga asawa ni Albert. Si Albert naman, never na naging close kang Amalia ilabi na kaniadtong uyab pa siya ni Liezl. Pero sa dihang may apo na siya kang Liezl medyo ning us-us na ang kasilag ni Amalia kang Albert.

Si Abert naman, gipakita niya ang iyang tumang paghigugma kang Liezl tungod kay bisan og patay na si Liezl wa kini mangita og laing babaye.

Ang panganay nila Liezl ug Albert nga si Alyanna nga usa ka fashion stylist, naka-base na karon sa US og may anak na. Wala na siya makauli, siguro walay mabinlan sa iyang gamayng anak.

May duha pa ka mga igsoon si Alyanna, sila si Alfonso ug Alissa nga maoy naging punung-abala sa bilar ni Amalia.

Balik sa pangutana kung kang kinsa mapunta ang mga kabtangan nga naiwan ni Amalia Fuentes? Kang Albert ba o sa mga apo?

Wala bay bahin ang iyang mga brothers nga mahal na mahal sad ni Amalia pati na ang pag-umangkon niyang si Nino Muhlach ug sa anak niining si Alonso og Alessandro. Viral ang pagkanta ni Alonso kang Amalia sa dihang na-bedridden kini.

Dili lang ang bonggang balay sa New Manila ang kabtangan ni Amalia, iyaha sad ang golf course sa may Intramuros ug uban pang properties.

Nakaka-sad lang tungod kay may mga nag-meme pa sa pagkamatay ni Amalia. May picture diin naghilak si Vilma Santos samtang sa usang picture naghigda sa kama si Amalia og bedridden.

Pero gi-edit lang kini tungod kay ang picture diin naghilak si Vilma, kuha kuno kini sa dihang namatay ang iyang avid fan.

Si Amalia ug Vilma nagkaroon ng issue kaniadto tungod kay napunta kang Vilma si Romeo Vasquez nga amahan ni Liezl Martinez. Pero sa mga nakahibaw sa maong issue, buwag na si Romeo kang Amalia dihang naging sila ni Vilma.

Condolence sa mga naiwan ni Miss Amalia Fuentes. Dili ka namo makalimtan.