INAY masuko ug mangisog si Presidente Rodrigo Duterte sa isyu sa 13 ka mga ninja cops, kalma raman kaayo.
Nlaban pa hinuon ni PNP Chief General Oscar Albayalde taliiwa sa kontrobersiya sa 13 ka mga ninja cops nga iyang mga tawo.
Gibutyag pa gani sa Presidente nga dunay duha ka mga aktibong heneral ang nagprotehir sa ninja cops.
Apan gibawi sa Presidente nga way mga heneral nga nag protihir apan dunay mga ninja ops. Mr President, asa na imong giingon nga paabuton una ang resulta sa pakisusi sa senado nga maoy nag-imbistiga niini?
Nganong nag-una-una man ka sa pagpanalipod ni Albayalde, nga wa pa man mahuman ang imbestigasyon sa Senado?
Imo man kaha ning gitugyan ang isyu ni Albayalde ngadto ni Department of Interior Local Government Secretary Año inig kahuman sa Senado.
Kon nasuko si Duterte sa 13 ka mga ninja cops kinahanglan maapil si Albayalde sa gitawag og command responsibility.
Kaklaro anang binoang ang gihimo sa mga pulis ni Albayalde, nakakuhag 200 kapin ka kilong shabu sa gihimong buy bust operation sa usa ka subdivision sa Pampanga.
Sa kasalbahis sa mga Ninja Cops ang gitug-an 36 ka kilos lang.Wapa gyud dakpa ang drug lord nga si Lee kay nakabayad diay ug 50 milyon.
Laing suspek ang ilang gida. Ug gawas sa shabu nga ilang nakuha dunay 10 milyon pesos ang nakuha gikan sa mga suspek.
Mibuto man gud ang pangan ni Albayalde, sa dihang hepe pa kini sa Provincial Police Office sa probinsya sa Pampanga niadtong November 29,2013
Basi sa reklamo ni Baguio City Mayor Magalong, kanhi hepe sa Criminal Investigation Detection Group (CIDG) ang 13 ka mga pulis ni Albayalde, mibaligya sa shabu ug nakapalit ug mga SUV nga sakyanan.
Nganong gihimo man ni Duterte, nga hepe sa PNP puli ni kanhi Heneral Bato dela Rosa nga usa na ka senador si Albayalde nanghilam-os man sa isyu?
Dunay order nga tangtangon ang 13 ka mga Ninja Cops apan wa gi-implementar ni Albayalde.
Kon wa nagpakabana sa problema sa illegal drugs ang gobyerno kaniadto ni kanhi Presidente Noynoy Aquino ug grabing korapsyon sa PNP.
Apan karon daghang nangamatay sa war on drugs ang mga dagkong drug lord nga mga foreigner gawasnon man. (Text:09235562777 / Email: efrenlonzon71@gmail.com)