SUPERBALITA CEBU

2 nga may warrant nasikop sa pulis

DUHA ka mga tawo nga dunay mga warrant of arrest nadakpan sa managlahi nga mga lugar sa Sugbo niadtong Martes, Oktubre 7.

Alas 8 martes sa buntag nadakpan sa mga pulis sa dakbayan sa Bogo sa amihanang Sugbo, nasikop ang usa ka 66 anyos nga senior citizen.

Matod ni PSsgt. Marvin Cortes sa Dakbayan sa Bogo ilang nasikop si Monico Damayo, taga Barangay Siocon pinasikad sa warrant of arrest sa kasong kalapasan sa seksyon 77 sa Presidential Decree 705 o Forestry Reform Act nga giisyu ni Judge Samson Layese sa Branch 78 sa Regional Trial Court (RTC) sa Bogo City pinitsahan niadtong Septiyembre 23 ning tuiga.

Si Damayo nakagawas ra dayon human makapiyansa sa korte og P22,000.

Samtang alas 11 sa Martes sa buntag, nadakpan sa Argao Police ang usa ka 38 anyos nga lalake nga dunay tulo ka mga kasong kalapasan sa Violence against Women and Children o Republic Act 9262.

Ang desk officer sa Argao Police Station, PSsgt. Howard Mynopas nga nahinabi sa Superbalita Cebu, n ila sa nadakpan nga si Edwin Baquir, 38, lumad nga taga Wegel Road, Barangay San Vicente Basale, Dakbayan sa Lapu-Lapu.

Si Baquir gidakop sa mga pulis human malutsi og warrant of arrest sa korte. Si Baquir anaa pa natanggong sa Argao Police samtang gihan-ay pa ang pag dala niini sa Cebu Provincial Detention and Rehabilitation Center (CPDRC). (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph