SUPERBALITA DAVAO

Dabawenya nipatigbabaw

NILUTAW nga kampeyon si Davao Tenpin Bowlers Association (Datba) player Crystal Chavez sa 14th Imus Tenpin Bowlers Association (Itba)-Imus NBT Open Tenpin Bowling Championships 2019 nga gilusad sa Paeng's Freedom Bowl, Robinson's Place Imus sa Imus, Cavite niadtong Dominggo, Oktubre 6.

Si Chavez nipabungkag og kinatibuk-ang 2,190 pinfalls human ang 10 ka dula aron nga angkunon ang titulo sa open masters batok sa 35 pa ka laing finalists gikan sa nagkadaiyang bowling clubs sa nasud.

Ang 36-anyos nga si Chavez nagpukan kang Jhun Baculod sa Itba-Imus kinsa niangkon sa runner-up nga dungog human nipaligid og 2,174 pins ug si Annie Ramirez sa Pearl Bowling Association sa Paranaque (2,103) kinsa maoy nahimutang sa ikatulong puwesto.

Si Chavez, kinsa nitrabaho isip junior officer sa Philippine National Bank (PNB), nagsulti, "I didn't expect that I will win the open masters division kasi po mabibigat po mga kalaban ko, ang iba po may malalaki pa na handicap. Honestly po, kulang ako lately sa practice since busy po ako sa work. Pero nagpray lang po ako sabi ko sana mapagbigyan muli ako ni Lord na manalo sa Itba."

Ang kadaugan mao ang ikalima nga titulo sa Itba alang sa Dabawenya ace sa nagkadaiyang dibisyon sa milabay nga katuigan apan sa samang duwaanan.

Si Ric Crisologo sa Cavite South Bowlers Association (Casba) (2,097), Mark Varona saf Itba-Imus (2,090), Joanne Bonifacio sa MTBA (2,087), Edwin Avelino sa Casba (2,067), Sol Bagalay sa Manila Tenpin Bowling Association-Monday Strikers Bowling Club (2,045), Marwin Santiago sa Dagupan Association of Tenpin Bowlers, Inc. (2,041) ug JR BaƱez sa Casba (2,032) nagsunod.

"Masarap ang feeling to be able to win po again despite all odds," dugang ni Chavez.

Nagsugod siyang makigkombati sa Itba sukad pa 2014. Gidaug niya ang iyang unang titulo sa ladies division sa Imus.

Iyang amahan nagsulti kaniya nga tutok lang sa iyang duwa, moluhod, palabyog ang kamot sa likod ug ilabay.

"And if ever there will be a bad game, just regroup and aim again," pahimangno sa iyang amahan atol sa sa finals.

Kapin 100 pintopplers nakigtigi apan unang 36 human sa qualifying round mao lay niabante ngadto sa open masters finals.

Si Chavez mao ang ikaunom human sa qualifying. (Marianne L. Saberon-Abalayan)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph