GIHULGA sa lalaki ang usa ka Overseas Filipino Worker (OFW) nga iyang ipakalat ang giingong sex scandal kung dili kini makigbalik kaniya niadtong nilabay nga adlaw sa Barangay Bayabas, dakbayan sa Cagayan de Oro.
Nidangop ang igsoon sa biktima sa kapulisan aron ipatala ang pagpanghulga sa usa ka nailang si Randy, 41, minyo, taga Bohol samtang ang biktima nga dalaga nag-edad og 41 anyos nga anaa sa gawas sa nasud.
Sa impormasiyon, gikabutyag nga kanunay nga gapadala og mga hulagway ug sakit nga mga mensahe si Randy kaniya pinaagi sa messenger sama sa usa kini ka bayarang babaye, GRO, B ang puhonan ug bisan kinsa ra ang lalaki nga mogamit nga gikabalaka na usab sa dalaga.
Gidugang pa nga gihulga pa kini nga i-post ang giingong sex scandal kung dili makigbalik kaniya.
Ang insidente ang nakatala na sa buhatan sa kapulisan alang sa tukmang aksiyon.