Social media dili kontrolado sa MTRCB

AMINADO ang ahensya sa MTRCB nga tungod sa dakong kausaban sa teknolohiya dili lakip sa ilang makontrolar ang social media ug uban pa nga mga aplikasyon sama sa YouTube, Netflix ug uban pa.

Atol sa ilang pagbisita dinhi sa dakbayan sa Cagayan de Oro, gibutyag ni Maria Rachel Arenas, chairman sa MTRCB, nga tuig 1986 pa namugna ang balaod kon asa kober lang sa mga programa ug mga pelikula sa telibisyon ug teatro.

Tungod niini, nihangyo ang mga personahe sa MTRCB sa mga ginikanan nga i-monitor kanunay ang gatan-awon sa mga anak labina diha sa cellphone.

Mao sab kini karon ilang gihingusgan nga i-amendar ang balaudnon aron dako na ang makober sa ilang ahensya ug malakip na niini ang bisan unsang social media platforms.

Giklaro sa MTRCB nga ang ilang scope of authority mao lamang kining motion pictures sama sa public exhibition in theaters and television, sama sa nga promotional material o imported o magprodyus alang sa Pilipinas ug publicity materials lakip ang local viewing o para export.

Aduna sab katungod ang MTRCB nga msg supervise, regulate, grant, deny o mokanselar sa permit sa motion pictures, tv programs ug publicity materials.

Trabaho sab sa MTRCB ang pag aprobrar ug disaprobar, pagdelete sa mga portion sa pelikula nga dili angayan lantawon.

Ilang trabaho sab ang pagpasirado sa mga movie houses ug pag deputized sa representative sa gobyerno kon asa andam mosunod ug mopatuman sa balaod.

Katapusan mao ang pag categorize sa motion pictures ug programa sama sa G isip general patronage, P alang sa Parental Guidance, SPG strong parental guidance ug uban pa nga mga pahimango alang sa mga viewers diha sa telibisyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph