HINGPIT na nga napasaka sa Women and Children Protection Desk ug Investigation and Detective Management Branch sa Cebu City Police Office ang mga kasong pagpanglugos, acts of lasciviousness ug Anti Photo and Video Voyeurism law batok sa laing upat ka mga tinun-an sa senior high school nga nalambigit sa pag-video sa usa ka 16 anyos nga babaye sulod sa usa ka pribadong sakyanan nga gi-upload sa social media.
Sa complaint nga giduso sa CCPO sa Cebu City Prosecutors Office, laing upat ka mga tinun-an gipasakaan og kasong rape ug acts of lasciviousness samtang duha sa kalapasan sa Republic Act 9995 kun Anti Photo and Video Voyeurism Act. Niadtong Septiyembre, laing usa sa mga suspek unang gipasakaan og kasong rape.
Sa affidavit sa biktima nga gitago lang sa ngalan nga Amanda, 16, taga lungsod sa Consolacion nga niadtong Septiembre 5, Huwebes sa alas 4 sa hapon, human sa ilang klase sa usa ka unibersidad diin siya nagtungha sa grade 11, nag-inom sila uban sa iyang mga classmate ug barkada sa laing tunghaan.
Sa dihang nahubog na siya tungod sa kadaghan sa iyang nainom, wa na siyay umoy.
Ang iyang nabantayan nga aduna siyay gikahalok nga lalake niadtong mga tungora .
Nabantayan usab niya nga ang usa sa iyang classmate nga lalake kanunay nga magbalik balik sa kasilyas, apan wa na siya maghuna-huna og dautan sanglit nagsigi siyag duwa sa iyang cellular phone.
Misamot pa ang iyang kalipong samtang nagpadayon ang ilang panag inom ug nakamatikod na siya nga hubog na siya pag ayo. Pipila ka oras ang milabay. iyang namat-an nga gihikap na ang iyang nawong sa iyang classmate nga lalake.
Sa iyang pagmata, hubo na tanan niyang sapot ug naa na sila sud sa usa ka lodging house nga wala niya mailhi kon asa.
Iyang kauban ang iyang classmate nga wa na usay sapot sa lawas. “I don’t know where that lodge was because I was so drunk. I was lying at the bed and (alyas Elmer) was at my top. He inserted his penis inside my vagina even if I said no. I was unable to resist because I was dizzy when it happened,” matod sa tipik sa pinanumpaang pamahayag sa biktima.