KAPIN sa 10 milyones pesos ang kantidad sa gidudahang shabu nga nasakmit sa mga sakop sa Drug Enforcement Unit sa dakbayan sa Toledo sa duha ka buwag nga pagpang ronda sukad niadtong Martes sa gabii, Oktubre 8, 2019 ug ganinang kadlawon, Oktubre 9.
Unang nadakpan si Dandelo Cabajar, 42 anyos, ug molopyo sa Sitio Maraat Daut, Barangay Matab-ang ,sakop sa dakbayan sa Toledo niadtong alas 7 sa gabii niadtong Martes.
Nasakmit gikan sa posesyon ni Cabajar ang mobalor sa P9.9 milyones nga gidudahang shabu sa gihimong buy-bust operation sa Drug Enforcement Unit sa dakbayan sa Toledo.
Samtang sa lain nga gihimong pagpang ronda na dakpan usab si Jefferson Artes, 39 anyos ug molopyo sa Barangay Das, sakop sa maong dakbayan.
Nasakmit kang Artes ang kapin sa P200,000 nga shabu.(Superbalita Cebu)