ANGAY nga usbon ang Anti-Vagrancy Law sa nasod kay sagad ang naapektuhan niini mao ang mga bayot ug tomboy nga mosuroy panahon sa kagabhion.

Alang kang senatorial candidate Jose Joey de Venecia III ang maong balaod angay nga usbon kay naghatag lamang kini og diskriminasyon sa mao nga sector.

"The Manny Pacquiao Blog". Click here for stories and updates on the Filipino boxing champ.

Si de Venecia, ang whistle blower sa NBN-ZTE deal, nia sa Sugbo aron sa pagpangampanya ug pagpangayo og suporta sa mga bayot ug tomboy nga sakop sa Lesbian, Gay, Bisexual and Transgendered (LGBT).

Si De Venecia anak ni kanhi House Speaker Joe De Venecia.

Matod ni De Venecia nga iyang padayunon ang iyang pagpaluyo sa Anti-Discrimination bill nga unang gihan-ay sa iyang amahan.

Matod niya nga pipila ka mga pulis ang mipahimulos sa maong balaod pinaagi sa pagpanakop sa mga bayot sa kadalanan.

Mabuhi-an lang ang mga bayot kon may bugti nga kantidad alang sa ilang kagawasan.Matod ni De Venecia nga di kini angay himuon sa kapolisan kay sila nakatampo usab og kaayuhan sa usa ka lugar. (JFT)