DEAR Noy Kulas,
Maayong adlaw. Just call me DH, minyo na ko ug dunay mga anak. Ako ang nahabilin diri kay ang akong asawa toa sa abroad nagtrabaho. Di lang ko mosulti unsa ang akong trabaho kay aron di maklaro.
Moangkon ko bayot ko sukad nakamatngon ko og buot pero di ko pareho anang uban diha nga ladlad kaayo pinaagi sa pagpangarte. Di ko ganahan mosunod sa ubang mga bayot nga gustong mababaye na kaayo tan-awon kay maulaw ko nga kataw-an ko. Until sa paghuman na nako og eskwela, nakauyab ko ug akong naasawa.
Sa paglarga na sa abroad sa akong asawa, kada weekend mangita ko og lalake para tambal sa akong kauhaw sa same sex encounter. Nagsige na ni until nakamatngon ko nagsige na ko og ka sakit, apil na ang skin diseases. Nahadlok ko nga basin Aids na ni. Wa ko mosulti sa akong asawa ug gitago nako sa among mga anak ang akong sakit. Unsa kahay akong buhaton karon aning akong problema?
DH
DH,
Ayaw kahadlok sa pagpa check-up kay duna nay mga clinic nga super secret ang paghupot nila sa mga kaso nga may kalambigitan sa human immuno-deficiency virus (HIV). Mas maayo nga samtang sayo pa, makapagana ka na kon tinuod ang imong duda, malikayan nimo nga makapanakod ka. Makapanalipod ka kon pananglitan makig-sex ka sa lain.
Di ka angay mabalaka kon tambal usab ang imong gikabalak-an tungod kay ang kagamhanan nanghatag ani nga libre, apil na tingali ani ang pipila ka private organizations. Mas maayo nga sayo pa matambalan ka kay aron malikayan ang mga komplikasyon sa sakit. Ingon pa sa pipila ka mga tawo nga advocates sa rights sa HIV patients, potent na karon ang mga tambal nga mabuhi ka until matiguwang ka. Naa gani uban kuno namatay sa kaguwangon ug ubang sakit, wa sa Aids.
Gawas sa tambal, naa usay support groups. So, don’t worry nga ma isolated ka. Mas maayo gani nga ma-diagnose kon HIV ba nang imoha or simple lang nga sakit. Kon tinuod ang imong pagduda, daghan kag mga tawo nga maduolan nga andam mosabot kanimo ug moagak. Pinaagi ini, you can still live a very normal life.
Pag-ampo usab nga di tinuod ang imong pagduda.
NOY KULAS