SUGDAN na karong adlawa ang elimination sa Sugbo 6 stag compulsory derby sa New Gallera de Mandaue sa barangay Tabok, Mandaue City.
Si Edward “Wading” Monsanto, usa sa mga tigdumala sa GDM, mipahibawo nga ang mga entrante mahimong mosalmot og tulo ka stag sa usa ka adlaw nga elimination round ug gitugotan usab nga mag straight stag.
Mokabat ngadto sa P1.5 million nga ganting salapi ang nakahan-ay alang sa mga mananaog. Subay niini, gipahibawo usab ni Monsanto nga nagpadayon ug permamenti na usab ang 3-win hack fight sa Gallera matag Dominggo.
Ang registration fee mokantidad og P500 samtang ang premyo P15,000 nga mabira diha-diha dayon kon ang entry ma-champion. (PR)