SUPERBALITA CEBU

E-Library sa Lapu-Lapu City giablihan na

E-LIBRARY gibuksan na sa Lapu-Lapu City nga naghatag og kasayon ug libre nga paggamit sa computers sa mga Oponganon ilabi na sa mga tinun-an.

Ang maong facility nahimutang sa kilid nga bahin sa Hoopsdome, Barangay Gun-ob, Lapu-Lapu City atbang sa buhatan sa Police Station 3.

Nangulo si Lapu-Lapu City Mayor Junard Chan sa pagbukas sa E-Library in-partnership sa PLDT-Smart Communications nga maoy service provider sa Wi-fi ingon man sa Filipino-Chinese associates nga maoy midonar sa 20 ka personal computer (PC) units.

Gipahibawo ni Mayor Junard Chan nga bukas ang E-Library 24/7 diin libre ang paggamit sa PC, libre ang wifi connection, printing ug bondpapers nga gamiton alang sa mga taga Lapu-Lapu.

Samtang mahimong makadala, og kaugalingong gadgets sama sa laptop, tablets o Andriod phone kon buot lang mo-access sa wifi connection sanglit adunay lounge area diin sila makapahiluna.

Nasayran nga ang E-Library sa Lapu-Lapu maoy labing una sa tibuok Probinsiya sa Sugbo.

Apan mipahimangno ang mayor nga aron kalikayan nga abusahan ang paggamit niini gi-limit lang sa duha ka oras ang mga user aron dili na himuong istambayanan ang maong facility.

Gidili ang paggamit sa mga PC alang sa social media sama sa Facebook, online games, pag-abli og porn site bisan movie downloads, sanglit alang lang sa pagtuon o research ang paggamit niini.

Nipasalig si Chan nga safe kini ilabi na panahon sa kagabhion o kadlawon sanglit ang Hoopsdome dunay walo ka security guards ug naa sa atbang sa Police Station 3. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph