NAALARMA karon ang Department of Health (DOH) 7 tungod kay sa ubos nga pangedaron nga 11 ngadto sa 12-anyos, nakamonitor sila niini nga mga edad nga nagka-sexually transmitted infection o nasira.
Bisan paman nga dili pa kini kaso sa human immuno-deficiency virus (HIV) gihulagway na kini sa ahensiya nga nagkabata karon ang risky behavior tali sa pakighilawas.
“These children do not understand the risk of having multiple sexual partners, kasagaran man gud nila they get paid of having sex,” matod ni DOH 7 HIV/AIDS program coordinator Dr. Van Phillip Baton.
Si Baton nagkanayon nga kining mga bataa makighilawas nalang aron makakwarta diin wala kini mahibawo sa risgo nga ilang gisudlan.
Dugang ni Baton, base na usab sa datus sa Epidemiology Bureau, nga nisugod na pagsaka ang mga nagpositibo sa HIV sa mga nagpangedaron og 15-24 anyos.
Sa labing uwahi nga datus sa Central Visayas niadtong Mayo, nakatala og 29 ang nagpositibo sa HIV alang sa Central Visayas, ikaduha kini sa nag-una nga 25-34 anyos nga age group. (HBL)