Labella mihatag og 10 ka adlawng ultimatum

MITAHAN: Ang lima sa mga bata nga nanglayas sa Cebu City Operation Second Chance (CCOSC) gikahinabi og tagsa-tagsa ni Mayor Edgardo Labella. (Amper Campaña)
MITAHAN: Ang lima sa mga bata nga nanglayas sa Cebu City Operation Second Chance (CCOSC) gikahinabi og tagsa-tagsa ni Mayor Edgardo Labella. (Amper Campaña)

GIHATAGAN ni Mayor Edgardo Labella og 10 ka adlaw sugod kagahapon ang tigdumala sa Cebu City Operation Second Chance (ccosc) sa pagpabalik sa lima ka Children In Conflict with the Law (CILC) kinsa nieskapo sa ilang pasilidad sa miaging semana.

Si Labella nihatag og warning ngadto ni Ambrocio Ibones, ang pangulo sa CCOSC, gumikan sa pag-eskapo sa iyang gibantayan nga mga menor de edad apan ang mayor wa mabalaka nga kadtong mga wa pa nisurender makahatag og hulga sa komunidad samtang wala pa sila mabalik sa pasilidad.

"Ako siyang gi-warning-an. Di lang ko mosulti but there are sanctions that could be imposed. Ako lang siya tagaan og higayon, anyway they are not hardened criminals, they are not actually danger to society because in the eyes of law, they are still minors," padayag ni Labella nga nahinabi sa Superbalita Cebu.

Si Ibones nagkanayon nga iya nang nahinabi ang mga ginikanan sa lima ka mga CICL ug posible nga sa sunod mga adlaw, mabalik na sa pasilidad ang mga menor de edad nga ni-eskapo.

Ang mayor nga si Labella nipahinungod usab ngadto sa 82 ka mga minor pinaagi sa paghatag sa ilang gipangayo nga makakaon og Chickenjoy nga produkto sa usa ka fast food chain ug nihatag usab si Col. Gemma Vinluan sa Cebu City Police Office nga gikalipay sa minors, duha kanila naatol nga nag-birthday.

Si Ibones nagkanayon nga 98 percent sa mga CICL adunay kaso may labot sa illegal nga druga, adunay theft ug rape diin 60 porsiyento kanila gikan sa Barangay Duljo Fatima, Ermita ug Labangon.

Samtang dihang gihinabi ni Labella ang minors ug gipangutana kon aduna bay maltreatment nga nahitabo kanila, ang mga CICL niingon nga wala sila gidagmalan sukwahi sa nigawas nga mga report nga maoy giingong rason sa ilang pag-eskapo.

Si Ibones nagkanayon nga usa sa hinungdan nga iyang nakita mao ang pag-estrikto sa mga rules sulod sa pasilidad sama sa pagdili sa cellular phone, sigarilyo, pagbisita sa ilang mga uyab ug uban pa nga iyang gihulagway nga minos ang implementasyon sa miaging pangulo sa CCOSC. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph