GIPASABOT sa Police Regional Office-Northern Mindanao nga dili madali ang usa ka pulis nga i-lifestyle check.
Gibutyag ni Police Lieutenant Colonel Mardy Hortillosa, kinsa tigpamaba sa PRO-Northern Mindanao, nga kini tungod sa kadaghan nga pulis dili kini maisa-isa sa monitoring team.
Ang nasod sa Pilipinas nagbaton og mokabat 170,000 ka mga pulis.
Dugang ni Hortillosa nga aduna silay ga pil-apan nga assets and liabilities nga maoy sinugdanan sa lifestyle check ug mahitabo lamang kini kung ang usa ka pulis adunay reklamo ug record.
Dugang ni Hortillosa nga naapektuhan gamay ang panerbisyo sa mga polis dihang mibuto ang isyu kalabot sa ninja cops nga padayong gidungog ang kaso sa senado.
Apan dili kini makababag kanila nga himuon ang ilang trabaho sa insakto tungod kay sila nagmatarong.
Kahinumduman nahimog hisgotanan sa social media ug unod sa balita ang anomalosong drug bust sa Mexico, Pampanga niadtong November 29, 2013.
Kini human ang 13 ka mga Pampanga policemen human sa maong operasyon nakabaton og mga bag-ong sports utility vehicles (SUVs) human sa ilang operasyon.
Kini sab panahon sa pamunoan ni Police General Oscar Albayalde.