Labella midangop sa korte aron demolisyon sa Apas mapugngan

NANGAYO og unom ka buwan nga lugway si Cebu City Mayor Edgardo Labella ngadto sa Regional Trial Court Branch 9 labot sa ilang giisyu nga writ of execution para pag-demolish sa mga balay sa Barangay Apas.

“As a mayor of City of Cebu, I am invoking RA 7279, that they should not be misplaced, they should not be demolished while there is no relocation site. Six months ang akong gipangayo. Depende na na sa korte,” matod ni Labella.

Siya nagpatabang na usab sa kapulisan para di una mapatuman ang demolition sanglit matag demolisyon adunay ayuda sa awtoridad.

Ang mayor nagkanayon nga iya nang gitahasan si Simeon Romarate sa Division of the Welfare for the Urban Poor sa pagpangita og kabalhinan sa mga pamilyang apektado.

Gipadayag ni Labella nga subay sa iyang mahinumdoman, niadto pang 2012 gikatakdang mapapahawa ang maong mga pamilya, apan gumikan sa ilang paningkamot, hangtod karon anaa pa sila sa lugar.

Dugang niya nga di na siya mobasol sa miaging mga administrasyon ug iyang trabahuon kutob sa iyang mahimo sanglit siya na karon ang amahan sa Siyudad.

Nagbantay

Human sa sunodsunod nga mga demolition schedule, mga sakop sa Archangels Residents Mergence Inc. (Armi) nangandam alang sa tulo ka semanang demolisyon gikan sa Oktubre 9 ngadto sa 31, 2019.

Usa sa mga lakang sa pagpakita sa ilang pagsupak sa demolition, ang Armi nibutang og tarpaulins nga dunay slogan: “”LOT 937 is a property of the Armed Forces of the Philippines” samtang ang mga ginsakpan sa Central Command (Centcom) nibutang og tulo ka teams nga nagsilbeng bantay batok sa demolition teams nga makasulod sa dapit sugod sa Miyerkules, Oktubre 9.

Gikan sa orihinal nga 205 ka mga pamilya, moabot na lang og 172 ang ningsupak.

Ang 33 kanila gikatahong nagpabayad sa pribadong nangangkon nga usa ka Mariano Godinez, Jr. Nagsugod ang problema sa mga residente sa 4.6 ektaryang luna niadtong 2010 sa pagtumaw ni Godinez nga nangangkon nga iya ang luna.

Niadtong Marso, dunay hugonhugon nga gub-on usab ang mga balay apan wa gihapon madayon.

Niadtong higayuna, si Anne Martel, presidente sa kapunongan, nanghangyo og abag sa Siyudad. (PAC, WBS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph