DEAR Papa Joe,
Ako si Rain. Naa koy problema sa akong bestfriend ko. Akong gisultihan ang iyang boyfriend nga minyo na siya.
Nasuko siya kon akong tambagan nga sayop ang iyang gibuhat niya kay duna na siyay asawa ug anak. Ang pirme niyang tubag nako nga “it is just for fun.
Naluoy lang ko sa iyang boyfriend mao nga ako lang gisultihan sa tinuod. Pwerteng sukoa sa akong bestfriend nako karon kay ako siyang gibisto ang iyang kabuang. Para nako, sakto ra sab ang akong gibuhat kay sayop man sab ang iyang gibuhat kay iya ra ning gipanguwarta. Sayop nga duwaan lang ang pagbati sa uban.
Unsa may akong buhaton, Papa Joe, aron mahibalik ang among maayong kabubut-on sa akong bestfriend? Bisan giunsa ko siyag pasabot di siya maminaw. Pa advise naman. Thank you
RAIN
Rain,
Kon di siya, aw,ayaw gud. Nagpaka totoo ra man ka nga higala. Tinuod man sab nga sayop ang iyang gibuhat. Kon tinuod pa siyang higala, iyang mahuna-hunaan ug maamguhan nga ang imong gibuhat maayo ug di siya matumpawak sa kadautan. Dautan ang sangkoan kon iya ning ipadayon.
Ayaw kaanugni ang higala nga sama niya. You deserve a true friend nga pareho nimo og wavelength nga di mo-take advantage sa kapwa. But don’t close your door kay basin moabot ang panahon nga magkauli mo. Basin bunga lang na sa iyang kauwaw nga iyang nasudlan. Deserve naman ang tanan og second chance. Who knows kon bugnaw na ang isyu, siya na mismo ang makig-uli kanimo. Daghang salamat.
PAPA JOE
(sa inyong tampo ipadala lang sa papajoesuperb@gmail.com)