SUPERBALITA CEBU

Super Suroy: Discover Taiwan

TAIWAN - Trip ba nimong mobiyahe sa laing nasud apan limited ang imong budget?

Worry no more, kay adunay nasud nga silingan sa Pilipinas nga pwedi ninyong bisitahon nga minos ang iyang magasto, kini ang nasud sa Taiwan.

Dili lisud ang pagbiyahe sa Taiwan tungod kay aduna nay mga direct flight gikan sa Mactan Cebu International Airport paingon sa Taiwan Taoyuan International Airport.

Ingon man promos sa nagkadaiyang airline companies.

Sulod sa duha ka oras nga biyahe maabot naka sa maong nasud.

Mipahibawo sab ang kagamhanan sa Taiwan niadtong Hulyo 2 nga gilugwayan ang 14 days nga visa-free entry program alang sa mga passport holders sa PIlipinas hangtod Hulyo 31, 2020.

Sulod sa maong duha ka semana nga anaa ka sa Taiwan daghan na og mga lugar ang mamahimo nimong kasuroyan.

Taipei 101

Ang Taipei 101Building ang usa sa pinakasikat nga adtoan sa Taiwan nga naila nga Skyscraper in Taipei.

Aduna kiniy gitas-on nga 508 ka-metros ug sa ika-89 nga andana naa nahimutang ang observatory diin makita ang panoramic view sa tibuok dakbayan sa Taipei.

Ang maong observatory abli matag adlaw gikan 9:00 sa buntag ngadto na sa 10:00 sa gabii.

Mokabat sa NT$600 (New Taiwan Dollar) o kapin sa P1000 ang ticket.

Akong suggestion nga labing maayo adtuon ang maong atraksyon sa 5:00 pm aron makita ang maanyag nga view nga adunay adlaw hangtod sa pagsawom sa niini nga pulihan sa mga nanggilak nga suga sa tibuok palibot.

Sa kadtong ‘afraid of heights’ o dili ninyo feel nga mosaka sa observatory, ang Taipei 101 aduna sab mall, mga pagka-unan, tindahan, ug grocery store nga pwedi ninyo suroyan.

Gikan sa Taipei Main Station kinahanglan mosakay og Mass Rapit Transit (MRT) ug subaya ang red line, dayun monaog sa sa Taipei 101 Station.

Chiang Kai-shek Memorial Hall

Kung hilig nimo ang mosuroy sa makasaysayanong lugar nindot sab bisitahon ang Chiang Kai Shek Memorial Hall.

Ang maong atraksiyon gitukod alang sa pagsaulog sa miaging Presidente sa Taiwan nga si Chiang Kai-Shek.

Sa atubangan nga bahin sa maong lugar makita ang Chinese characters diin nagpasabot nga Liberty Square.

Ang maong hall gilibutang sa kolor sa bandila sa Taiwan mao ang asul, puwa ug puti.

Matod sa mga Taiwanese nga na-istorya ning tigsuwat nga ang maong mga kolor sa bandila nagsimbolo sa kagawasan, maki-angayon ug gugma.

Tungod sa kadako sa maong lugar aduna kini’y art gallery, lecture hall, ug napalibutan kini og mga Chinese gardens. Usa sab kini sa mga paboritong bisitahon sa mga lokal touriar tungod kay mamahimong mag-picnic o magbonding sa pamilya o higala.

Mamahimong mosakay og MRT gikan sa Taipei Main Station ug subaya ang red line ug munaog sa Chiang Kai-Shek Memorial Hall Station.

National Taiwan University

Fan ba kamo og Meteor Garden? Ang National Taiwan University ang usa sa mga lugar diin nagshooting ang maong drama nga gipasalida sa telebisyon niadtong 2003.

Ang mga turista nga nakalantaw sa maong drama gina-recreate ang mga scenes sulod sa unibersidad.

Ang National Taiwan University ang pinaka prestihiyosong unibersidad sa Taiwan.

Sulod sa maong unibersidad, ang usa’g ka kilid sa dalan niini napalibutan og mga Royal Palms nga pareha sa Florida.

Tungod sa kadako sa maong unibersidad makakita kamo og mga estudyante ug mga bisita nga magbisikleta o magsakyanan.

Sa pagbisita aning manunulat sa unibersidad libre ang pagsulod ug wala kini’y guide apan kung isip ninyo musulod sa lain laing mga atraksiyon sulod sa unibesidad pwedi kamo mubisita sa ilahang visitor center ug mangutana.

Kung mamahimo ninyong bisitahun ang lugar, gikan sa Chiang Kai- Shek Memorial Hall Station sa MRT subaya ang green line ug naog sa Gongguan.

Children’s Amusement Park

Kon adunay kuyog nga mga bata o isip bata, anaay kalingawan sa Taiwan nga pwedi ninyo bisitahon, mao kini ang Taipei Children’s Amusement Park.

Ang maong kalingawan adunay 13 ka rides nga ingyo masuwayan gikan sa Ferris Wheel, Bumped Cars, Ocean Carousel, Dancing Fly, Wave Swinger, Roller Coaster, ug uban pa.

Ang tagsa-tagsa ka rides adunay bayad nga NT$20-30 (P30- P50).

Ang maong atraksyon abli Lunes hangtod Domingo gikan sa 9:00 am ngadto na sa 5:00 pm, apan sa Sabado manira sa 8:00 pm samtang sa Dominggo manira sa 6:00 pm.

Gikan sa Taipei Main Station subaya ang red line ug sakay sa MRT padulong sa Jintian Station ug mosakay og bus nga adunay numero nga 41.

Taipei Zoo

Animal lover ba mo? Bisitaha ang Taipei Zoo sa Wenshan District. Mao kini ang gikonsiderar nga kinadak-an nga zoo sa tibuok Southeast Asia.

Sa maong zoo makakita ka og lain laing klase sa kahayopan. Uban sa mga niini mao ang mga panda, penguin, elephant, tiger ug lion.

Ang zoo adunay entrance nga NT$60 (P100 kapin) para sa adults ug NT$30 (P50 kapin) para sa mga estudyante. Abli kini sa 9:00 am ngadto na sa 5:00 pm gikan sa adlawng Lunes - Dominggo.

Mamahimong adtuon ang lugar pinaagi sa pagsakay og MRT ug subaya ang brown line diin munaog kamo sa Taipei Zoo Station.

Shilin Night Market

Kung buot nimo mopalit og souvenirs, pang-regalo ug mga delicacies sa Taiwan nga barato anaa ang Shilin Night Market.

Ang Taiwan naila tungod sa ilahang night markets diin makapalit ka og klase-klaseng mga barato nga butang sama sa sinina, sapatos, pagkaon, makeup, gadgets ug uban pa.

Ang Shilin Night Market usa sa mga pinaka-adtuon sa mga lokal ug langyaw nga bisita tungod sa klase-klase niining mga baligya.

Sa imohang NT$100 makaplait na ka og bag o sapatos o usa ka kahon nga lamian nga pineapple cake nga ka delicacy sa Taiwan.

Pwedi sab ka mamahimong mohangyo og mas barato nga presyo sa mga tigpamaligya depende sa imohang diskarte.

Mamahimong bisitahon ang Shilin Night Market pinaagi sa pagsakay og MRT ug subaya ang red line diin munaog sa Jiantan Station.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph