SUPERBALITA DAVAO

Tulay sa Bulatucan River maagian na



MAGSAYSAY, Davao del Sur -- Nalipay na ang mga drayber og motorsiklo, payong-payong ug traysikel human gipahibawo sa lokal nga gobyerno nga mahimo nang maagian ang Bulatucan River sukad adlaw’ng Miyerkules, Oktubre 9.

Usa ang motorista nga si Junjun Culpa kinsa pipila ka bulan nga nag-antus pagtabok sa sapa human gisirad-an ang tulay tungod kay gipaayo kini sa lokal nga gobyerno.

Daghan sab nga higayong matanggong ang ubang drayber panahon sa kusog nga uwan kay delikado sa baha ang maong sapa.

Kahinumdomang diriyot maanod ang usa ka de-pasaherong dyip nga pugsanong mitabok sa tubig baha pipila ka bulan ang milabay aron lang mahatud ang mga karga ug pasahero sa Barangay Tacul.

Apan sumala ni Anthony Allada, tigpamaba sa lokal nga gobyerno, nga hugot nilang gidid-an ang mga sakyanan nga upat ang ligid, sa pag-agi sa tulay sanglit wa pa hingpit matapos ang pag-repair niini.

Gumikan niini, gikinahanglang molibot ang mga ubang sakyanan sa alternatibong dalan padung sa Barangay Bob lapos sa San Isidro.

Hinuon, gitataw ni Allada nga dyutay’ng pag-antus na lamang ang masinati sa mga drayber sanglit gilaumang abrihan kini sa tanang sakyanan sa Oktubre 28, tuig kasamtangan, bisan ug di pa hingpit matapos.

Gipahinumdoman sab ang mga drayber nga motuman sa “slow down” pag-agi sa maong tulay aron malikayan ang disgr


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph