SUPERBALITA DAVAO

Mag-uuma gipatay sa nagbahis-bahis nga mga armado

NABUNTURAN, Compostela Valley Province -- Tumang kaguol ang gibati sa mga kabanay ug pamilya sa mag-uuma nga gipatay sa wala mailhing mga armado sa Purok 7 Cadan, Barangay Katipunan alas 9 sa gabii niadtong Martes, Oktubre 8.

Ang biktima giila nga si Larry Baloryo Valentin, 30, may kapuyo ug molupyo sa nahisgutang dapit.

Sa report nga nakuha gikan sa Compostela Valley Provincial Police Office, nasayran sayo sa buntag, adlaw’ng Miyerkules, ang pamilya sa biktima miadto sa balay ni barangay chairman Agullo, Jr., ug nagpahibalo nga ang biktima nga si Larry gipusil sa wa mailhing mga armado sa umahan niini nga nahimutang sa bukirong bahin sa Purok 7 Cadan ug tungod sa seguridad human sa insidente nabiyaan sa mga kabanay sa dapit sa krimen ang patay’ng lawas sa biktima una nadala sa Montoya Funeral Homes nga nahimutang sa Purok 16, Poblacion sa lungsod.

Saysay sa kapuyo sa biktima nga si Jennelyn Maulana, 20, nga migawas matud pa ang biktima sa ilang balay aron sa pagsusi sa palibot sa giingong presensiya sa wala mailhing mga tawo nga nagbahis-bahis sa palibot.

Apan wa madugay nadungog ang masipang buto sa armas ug sa dihang gisusi maoy makita ang biktima nga naglunang na sa kaugalingong dugo.

Ang biktima nakahiagom og samad pinusilan sa liog nga misangko sa hinanali niyang kamatayon.

Dugang pagpanubay ang gilusad sa Nabunturan Municipal Police Station aron masayran ang tinuod nga hitabo. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph