SI CHAIYENNE Huisman sa Spain ang gikoronahang bag-ong Miss Asia Pacific International 2019 sa kompetisyon nga gihimo, Miyerkules, Oktubre 9, sa Newport Performing Arts Theater in Resorts World Manila.
Gikoronahan si Chaiyenne ni Sharifa Akeel sa Pilipinas.
Ubang winners mao sila:
1st runner-up: Eoanna Constanza, Dominican Republic
2nd runner-up: Jessica Cianchino, Canada
3rd runner-up: Carolina Schuler, Brazil
4th runner-up: Fiorella Cortez Arbenz
Nanghakot
Wa man makalangkat og korona ang representante sa Pilipinas nga si Klyza Castro apan nanghakot sab kini og daghang awards atol sa pila ka adlaw nga serye sa ilang presentasyon.
Ang taga-Maa, dakbayan sa Davao miangkon sa Miss MetroEsthetica Ambassadress ug Miss Pyoor Essentials duha ka adlaw una ang coronation night.
Samtang nakuha sab niya ang titulong Miss Hotel 101, Perpetual Helper of God Award ug Continental Queen - Asia.
Naharbat sab ni Klyza ang 1st runner up for “Best in Swimsuit” atol sa preliminary competition.