SUPERBALITA DAVAO

2 nanghakot og ‘shabu’ sa Davao

DUHA ka mga giingong drug couriers gikan sa Marawi City nasignit sa dihang niabot sa dakbayan sa Davao human nga nagbitbit og mga P700,000 kantidad sa ilegal nga druga atol sa anti-illegal drug operations niadtong Miyerkules, Oktubre 9.

Nakig-alayon ang Drug Enforcement Team sa Buhangin Police Station ubos sa Davao City Police Office uban sa Philippine Drug Enforcement Agency (PDEA)-Davao, nakahimo sa pagsakmit sa 55 gramos nga gituohang shabu ug uban pang mga drug paraphernalia gikan sa drug-listed suspect atol sa operasyon.

Mga nadakpang suspek nailhan nga sila si Saybin Abubakar Mala, alyas Paolo, usa ka street-level target (SLT), nalista sa Directorate for Intelligence (DI) Watch list, 19; ug Jalanie Panondi Panganiban, alyas Bryan, usa ka SLT sab, 18, pulos mga molupyo sa Barangay Sugod, Marawi City.

Base sa imbestigasyon, bandang 1:30 sa kaadlawon niadtong Oktubre 9, sa dihang niabot ang mga suspek sa Davao City gikan sa Marawi City, ilang gikasabutan nga transaksiyon tali sa impormante nabalhin gikan C.P. Garcia Highway, Buhangin ngadto sa dalang Magallanes, Davao City partikularmente tapad sa usa ka bangko kon diin nahitabo ang pagpinalitay.

Ang pulis nga nagpakaaron-ingnon, nakahimo og palit og usa ka buok kuwadrado og porma nga heat-sealed transparent plastic sachet nga nagbaton og puti nga crystalline substance nga gituohang shabu kantidad og P60,000 hinungdan nga giposasan gilayon sa mga operatiba ang duha ka mga suspek.

Nasakmit gikan sa mga suspek mao ang 10 ka buok nga kuwadradong porma nga heat-sealed transparent plastic sachets nga dunay sulod nga mga puti nga crystalline substance nga gituohang shabu ug marked money.

Tanang nasakmit nga mga druga nga dunay gibanabana nga market value, kapin kun kulang, P660,000.

Mga suspek napriso sa Buhangin PS ug pasakaan og kasong paglapas sa Section 5 ug 11 sa Republic Act 9165 o Comprehensive Dangerous Drugs Act of 2002.

Samtang mga awtoridad subling nagpasidaan sa mga indibiduwal nga di mosulay og himo og ilegal nga mga transaksiyones sa druga dinhi sa dakbayan sa Davao.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph