SUPERBALITA CAGAYAN DE ORO

Employer wala mo-remit sa SSS sikop

CAGAYAN DE ORO. Nagtabon sa iyang nawong si Bienvinido Macaraeg Jr. dihang gipresenta sa mga sakop sa prensa human kini nasikop tungod sa giingon wala pag-remit sa kontribusyon sa iyang mga empliyado ngadto sa SSS. (Hulagway gikan sa PRO-Northern Mindanao)

SIKOP ang usa ka negosyante human nga wala ni-remit sa kontribusyon sa Social Security System (SSS) sa iyang mga empleyado niadtong Oktubre 9 mga alas 12:15 sa Atrium, Limketkai, dakbayan sa Cagayan de Oro.

Gitunol sa mga awtoridad ang warrant of arrest ngadto kang Bienvinido Macaraeg Jr., nanag-iya sa Sunny Farm nga nahimutang sa JR Borja Street, Barangay Gusa ning dakbayan.

Sa impormasiyon gikan sa kapulisan sa Police Regional Office (PRO)-Northern Mindanao ang warrant of arrest gi-isyu sa Branch 39.

Giingong wala gi-remit ni Macaraeg sa kontribusyon sa mga empleyado nga mokabat na ngadto sa P1.2 milyones gikan Mayo 2011 hangtod Nobyembre 2015.

Nadakpan kini sa mga operatiba nga pangulohan ni Police Captain Rustico Galagala sa Regional Intelligence Division, Police Regional Office-Northern Mindanao ug Carlos Flaviano, CEO II, SSS intelligence officer.

Samtang nibutyag si Macaraeg nga gikawatan siya sa iyang mga empleyado rason nga nagkalisod ug wala na makabayad.

“It turns out nga ang mga sales lady nako mga number one kawatan. It was only lately I found out nga tunga sa halin everyday ilang ginakawat, pag-total nako after about five years it turns out nga total of P5 to P7 million ilang nakawat pila rana akong utang sa SSS, so naglisod mi,” matud ni Macaraeg.

Gidugang pa nga tungod niini, bisan pagpaayo sa electrical wirings wala na napaayo rason nga nasunogan ug namatyan.

Nibutyag usab kini nga nangita og paagi aron makabayad tungod gani giingong sulod sa 35 ka tuig sa negosyo, niingong 25 ka tuig kining gabayad og insakto apan sa nilabay lang nga tuig wala na makabayad kay galisod.

Samtang sa siyam ka mga employers o negosyante, duha niini ang ni-settle na sa ilang obligasiyon ug nagpahimulos sa condonation program samtang ang upat dili na makita sa SSS karong panahona.

Samtang si Roy Bustamante usab sa LYL Development Corporation sa Baloy Tablon ang gikabutyag nga wala na usab makita sa pipila ka tuig.

Duna kini bayrunon nga mokabat sa P3.5 milyones gikan sa Pebrero 2012 hangtod Disyembre 2014.

Nag-warning usab si Police Brigadier General Rafael Santiago Jr. sa mga delinquent member-employers sa Northern Mindanao nga ilang bayaran ang mga kontribusyon ug mag-remit og insakto sa SSS tungod kay ang mosupak mag-atubang og mga kaso kung dili nila buhaton ang obligasiyon.

Mag-atubang sa kasong pagsupak sa Section 22 (a) ug (d) sa Sec 28 sa RA 8282 o Social Security Law si Macaraeg kinsa anaa na sa kustodiya sa mga otoridad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph