SUPERBALITA CEBU

Kapitolyo wa pa mobayad sa tuition, scholars nanghangyo

NANAWAGAN ang mga scholar ubos sa Paglaum scholarship program sa Kapitolyo nga bayran na ang ilang mga tuition.

Kini human gipahibaw sa scholars sa mga tunghaan nga di sila mo-release sa mga Transcript of Records (TOR) kon di makabayad.

Hinuon, ang Kapitolyo niseguro nga mobayad alang sa graduating nga mga tinun-an.

Sa kinatibuk-an, moabot og 1, 810 ka mga scholar nga magtungha karon ang maapektohan sa pagpapas sa Paglaum, di mo menos 200 kanila graduating.

Pipila ka scholars ang nidangop sa opisina ni Bise Gobernador Hilario “Jun-Jun” Davide III sa Miyerkules sa buntag aron sa pagpangayo og tabang ug pagpangita usab sa ilang mga dokumento nga magpamatuod nga sila ka scholar.

Usa na sa nabalaka sa pagpapas na sa scholarship mao si Paolo Alexander Miñoza, mo-graduate na Oktubre sunod tuig.

Matod ni Miñoza nga angay lang nga barugan sa gobyerno ang mga pasalig niini sa pagtabang sa kabataan nga makatungha.

May panawagan usab si Miñoza kang Gobernador Gwendolyn Garcia.

“[...] Bayran lang unta ang among tuition fee aron makapadayon mi. Hi, Gov, good afternoon. Hinaot unta nga dili nimo wagtangon ang among scholarship kay usa ni ka nindot nga programa nga makahatag og desente nga trabaho sa umaabot namo nga kaugmaon”, matod ni Miñoza.

Lakip sa naapektuhan mao sila si Yvonne Timbiga ug Albert John Bellita, kinsa ni-graduate na apan wa gihapon makuha ang TOR tungod sa nag ung-ong nga bayranan.

“This coming November 2019, mo-take na unta mi og board. Pero dili mi kahimo kay wala pa man gud nabayran ang among tuition”, matod ni Timbiga.

Ubos sa maong sholarship, magdawatan ang scholar og P10,000 matag semester alang sa tuition ug P1,500 alang sa allowance. Samtang sa iyang bahin, pinaagi sa usa ka text message, gipasaligan ni Bokal Christopher “Dong” Baricuatro ang scholars nga graduating ug migradwar na nga mabayran ang tuition fees,, butang nga gi apprubahan ni Garcia.

“I had a meeting with Gov. Gwen last Monday. She agreed to continue the Paglaum scholars but only for those who are graduating this school year. We are currently listing those students who are eligible”, pamahayag ni Baricuatro. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph