Fluvial procession sa pista sa Talisay

GAWAS sa Halad Inasal Festival, usa ka fluvial procession ang ipahigayon sa mga deboto ni Sta. Teresa de Avila nga himuon karong Dominggo sa buntag, Oktubre 13.

Matud ni Mikki Aznar, ang officer-in-charge sa Talisay Tourism Department, nga hugot nga pakig-alayon ang gihimo sa simbahan ug sa ilang buhatan.

Karong Sabado, Oktubre 12 sa hapon pa lang, himuon ang traslacion sa imahen sa Sta. Teresa de Avila padung sa simbahan sa Laray sa siyudad sa Talisay.

Dinhi na kini manukad alang sa fluvial procession nga sugdan sa alas 7 sa buntag sa pagka-ugma, Dominggo.

Matud ni Aznar nga 140 ka mga bangka ang nipadayag na nga mosalmot diin motuyok kini gikan sa Talisay City fish port, tuyok hangtud sa barangay Pooc nga kadagatan ug pabalik ngadto na sa baybayon sa barangay Poblacion.

Gipahinumdom ang mga mosalmot ug ang mga mag-atang sa baybayon nga gidili gyud ang mga pabuto, lakip na balloons.

Ug labaw na nga dili itugot ang overloading.

Adunay mga bantay dagat ang strikto nga mopasunod kanila sa guidelines aron kalikayan ang disagrasya sa solemne nga kalihokan sa simbahan. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph