SUPERBALITA CEBU

15 na ka e-trikes gitanggong sa CCTO

NIABOT na og 15 ka electric trikes (e-trikes) ang gitanggong kagahapon, Huwebes, Oktubre 10, sugod sa buntag hangtud sa udto nga operasyon sa Cebu City Transportation Office (CCTO) nga nisulod sa dili ilang rota.

Si Ret.Col.Andress Bayarcal, operations chief sa CCTO, nga nahinabi sa Superbalita Cebu mi ingon ang 15 kabuok ka mga e-bike nga nangadakpan wala pay labot sa nilabay nga mga adlaw diin di moubos sa 20 na ka e-bikes ang ilang nadakpan.

Matud ni Bayarcal nga ila kining gistrikto tungod sa sagad sa mga e-bike ang anaa na sa mga dalan nga wala na sa ilang rota.

Gipasabot ni Bayarcal nga kining mga e-bike wala tugti sa hingtungdang ahensiya nga mag dagan sa mga dalan nga iya lamang sa kadtong gitagaan ug pagtugot sa land transportation office.

“Daghan naman gud mga reklamo aning mga e-bike nga magpataka lang ug dagan unya ma disgrasya hinuon dinha sa dalan,” dugang ni Bayarcal.

Dugang niya nga wala sila supak sa pagpamasahero sa e-bike kon sundon nila ang anaa sa balaud nga gihatag sa barangay.

“Ang kani man gud e-bike sa ma rani sa mga trisikad ang category mao nang dinha ra gyud sila mag libot libot sa sudlonon nga bahin sa ilang barangay,” dugang niya.

Awhag sa operations chief sa CCTO sa mga nagmaneho og e-bike kon dili sila gusto nga makamulta ug 1,000, dili sila mo agi sa dili nila routa.

Nasayran nga 1,000 ang multa sa mga e-bike nga ma dakpan sa CCTO ug adto nila kini bayaran sa ilang opisina aron ilang lukaton bugti sa bayad nga gitakda.

Gawas sa e-bike duna usab 29 kabuok ka mga pribadong sakyanan ang na butangan og clamp didto lang sa usa ka lugar sa Sircas Road sakop na sa Barangay Lahug, siyudad sa Sugbo kagahapon sa buntag lang, Oktubre 10.

Kini na butangan og clamp ang maong mga sakyanan nunot na sa mga reklamo sa ilegal parking sa maong dapit P1,500 ang bayad matag sakyanang ma-clamp.

Gawas sa mga sakyanan duna usab mga singgol motor nga nangadakpan sa susama lang guihapon nga adlaw diin dili mo ubos sa 20 ka motor ang nanga-impound.

Sa mga CCTO personnel nga nag park sa mga no parking ug nanguha ug mga pasahero sa di insaktong lugar.

Lakip usab nga nadakpan kadtong mga drayber sa mga motor nga expire ang ilang lisensiya ingon man nag dryb nga walay lisensiya.

Matud ni Bayarcal nga 1,500 ang multa sa towing sa motor ug P1,000 ang dugang multa sa ilang violation. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph