Balak: Duha ka nawong sa kawad-on

DAW galingan nga gibanting

Aron lumsan ka sa nagpungasi

Nga mga suliran ug laparuhon

Sa ilang pangulihad ang kabug-at

Mobitad paubos aron lamyon ka

Sa huyonghuyong sa dulom

Nga unahan diin didto nagpaabot

Ang pigsanan aron himuong urom

Ang imong mga damgo.

Ang lusay maantigong makigdula

Sa buylo sa sulog. Mga biay-biay

Mananoyng huni lang sa kasingkasing

Kay lig-on kining sukaranan.

Himuong sarang matungtongan

Kay ikaw walay katahap

Nga kon mahikap mo ang langit

Ang kamot mong nagkamuritsing

Sa kahugaw mahimong salsalan

Og bulawan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph