Balak: Karong buntaga gisud-ong ko ang kapunawpunawan

Balak: Karong buntaga gisud-ong ko ang kapunawpunawan

ANIA ko karon sa bungtod sa Ilaya

Nagtindog nga nangilugpoy

Naglantaw sa lawod nga naglantong.

Ang adlaw daw kahel nga gipuga

Sa Gamhanang Kamot.

Misidlit ang mga bidlisiw

Ug mikuyanap ang kahayag sa dagat.

Gisud-ong ko ang kapunawpunawan.

Bisan halayo nakita ko kining

Walay timik, walay kausaban.

Ang iyang mga ngabil daw giukoban

Sa mga ngabil sa dagat sa halok

Nga way kinutoban.

Unsay atua lagpas sa kapunawpunawan?

Wala masayod ang mga tawo sa kalibutan.

Apan misantop sa akong alimpatakan

Tua didto ang malinawon nga eternidad,

Ang walay katapusan nga kahangturan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph