MIPAABOT sa ilang pag-ampo ang mga boksingero lakip na fans human maaksidente si Errol Spence.
Usa sa mipaambit sa iyang pag-ampo ang Filipino boxing champion Manny Pacquiao.
Mipadangat sab sa ilang mensahe sila Shawn Porter ug Roy Jones Jr.
Kasamtangang anaa sa tambalan ang 29-anyos nga kampeyon human mibaliktad og kapila ka beses ang iyang puti nga Ferrari sa Riverfront Boulevard sa Dallas.
Giingong wa sab gasuot og seatbelt ang boksidor dihang nahitabo ang aksidente.
Pahayag sa pulis, “At 2:53 a.m. a Ferrari traveling at a high rate of speed northbound in the 500 S. Riverfront Blvd.
“The Ferrari veered left over the center median onto the southbound lanes and flipped multiple times ejecting the driver who was not wearing a seatbelt.
“The driver was taken to an area hospital where he is expected to live, but remains in ICU (intensive care unit).
“The driver, a black male 29 years old, was the only occupant in the vehicle. The cause of the accident is undetermined at this time.”
Gisubay pa sab sa otoridad kung nakainum si Spence dihang nahitabo ang aksidente.
Si Spence usa sa gilantaw nga sunod nga makaharong ni Pacquiao.
Ning Septyembre lang, gipildi ni Spence si Shawn Porter sa ilang welterweight title fight.
Si Spence naghupot sa IBF ug WBC welterweight champion nga dunay 26-0 record isip pro fighter.