SIKOP ang usa ka 18-anyos kinsa giingong carnapper dihang gisilbi sa Davao Norte Provincial Highway Patrol (DNPHP) ang warrant of arrest batok sa suspek niadtong Huwebes, Oktubre 10, sa Davao del Norte.
Si Police Captain Rechely Bahan, Team Leader sa DNPHP nag-ila sa suspek nga si Adrian Cabila, 18-anyos ug residente sa Barangay Poblacion, Digos City, Davao del Sur.
Nasikop ang suspek subay sa gahum sa warrant of arrest sa kasong Carnapping dunay criminal case number 18-2017 nga gipagula ni Hon. Judge Dax Gonzaga Xenos sa RTC, 11th Judicial Region sa Branch 34, sa Panabo City, Davao del Norte, pinetsahan Pebrero 7, 2017.
Mokabat sa P180 mil ang piyansa nga girekomenda sa korte bugti sa temporaryong kagawasan sa suspek kinsa gikonsiderang No. 8 Most Wanted Person (MWP) sa Regional Highway Patrol Unit (RHPU)-Davao.
Ning kasamtangan ang suspek gibalhog na sa prisohan. (Jeepy P. Compio0