ANDAM na ang tanan sa 19th Davao Horse Show Competition, Oktubre 18 ngadto 20 sa Davao Horse Club Stables and Horse Park sa Shanghai, Matina Aplaya, Davao City.
Si Davao Horse Club (DHC) president Chelo Tan, nga bisita sa Davao Sportswriters Association (DSA) Forum sa The Annex sa SM City Davao, nagkanayon, “We are bringing back the show jumping event that’s why the 19th edition is called the Total Horsemanship Challenge. This will be a competition of the best horses.”
Ang barrel race, drill team competition, obstacle race, oval race, halters class (best horse) ug team presentation mikumpleto sa nagkadaiyang event karon nga tuig.
Si Andrew Tan, sa iyang parte nagdugang nga ang kategoriya karon nga tuig mao ang youth, ladies, beginners, expert ug auxiliary.
Niya, walo ka tims ang mopakita’g aksiyon diin matag tim may 80 ka kabayo gikan sa clubs ug 15 gikan sa host team.
“The Davao Horse Club will field our best horses this year and hopefully we pull some winners with the show jumping event. We were the drill champion last year,” dugang niya.
Ang Malaybalay maoy overall champion sa nakalabay nga tuig.