NAGKATIGLOM ang poruhan sa Cebu Sharks-Casino Ethyl Alcohol alang sa playoffs human kini nasugamak sa dakong kapildihan batok sa dakong kapildihan batok sa host Bacoor Strikers, 88-71, niadtong Huwebes sa gabii, Oktubre 10, 2019 sa Maharlika Pilipinas Basketball League (MPBL) Lakan Season sa Strike Gymnasium.
Maayo untang nakasugod og duwa ang Sharks ug nakaposte kini’g 18-14 nga labaw human sa 1st period.
Apan human niini, ningdominar ang Strikers sa nagsunod nga 30 ka mga minutos diin gilupig nila ang Sharks sa pinuntosay, 74-53, nga maoy naghatag kanila og agianan aron inaton ang ilang rekord sa 15-3.
Sa kapildihan, nalumos ang Sharks sa labing ilawom nga dapit sa South division nga nagdala og 6-10 nga rekord.
Si Fil-Canadian RJ Ramirez maoy nangulo sa Bacoor pinaagi sa iyang 28 puntos samtang si ex-PBA Gab Banal nidugang og 23 puntos.
Ang Sharks gipangulohan ni William McAloney pinaagi sa iyang 23 puntos samtang nitampo og 19 puntos si Rhaffy Octobre. (JNP)